 Curacao6 Piska kòra pareu. Zeta ( e kantidat mester ta net pa e subi un tiki riba e piska ora ta hasé) Sálu , lamunchi segun bo smaak. 3 pa 4 lechi of djente di konofló. Ingredientenan pe sous. 1 siboyo grandi, 1 tomati, 1 promenton, 1 kuchara di saka kuminda di manteka. 2 kuchara di kome kuné di konsumé. 1 kopi di awa.
Muha e piska pa asina por skamé mas lihe. Pa keda kla mas lihe por skama e piska ku un forki di kome kuné. Ora ta kla di skama ta limpia e piska su paden bon i labé bon pa despues skerf e piska kada banda di su kurpa. Ora ta kla ta buta sálu riba e piska i primi bon lamunchi riba dje. Kaba buté riba un sèrbètè i seké , pero no ta laba e piska kita e lamnchi i sálu. Mientrastantu ta pone un panchi na kandela ku zeta ku e djentenan di konofló. Laga esakinan hasá te ora nan bira maron. Si e konoflónan no ta bon hasá e piskanan ta pega , pues check esaki bon. Ora ta asina lew ta pone e piskanan den e zeta i laga nan hasá bon tur dos banda. No tapa e panchi !!! Ora e piskanan ta bon hasá ta saka nan for di e zeta i awor nos ta ban prepara e sous. Ta pone tur e speserijnan huntu den un panchi ku e manteka i laga nan hasá un tiki. Despues ta pone e kopi di awa i e kuchara di konsumé. Laga esaki kushiná un poko i nos sous ta kla. Sirbi bo piska ku su sous krioyo, sea ku su funchi, aroz, tutú of batata. Anto pa e piska kòra baha mas mihó ainda korda sirbié ku su banana moli hasá.
|
