 Curacao
Tres kwart liber di ariña di pan
½ liber di suku blanku
6 webu
1 liber di pinda hasá i mulá
1 theelep di baking powder
1 theelep di kaneel
1 kuchara di kome kune di vanilla
½ theelep di kruidnagel fini mulá
Pa e letternan aki nos ta kuminsa brua e baking powder den e ariña di pan. Despues ta bati e webunan bon batí i ora ta asina leu ta agrega e suku i sigi bati. Ora kaba di bati e webunan i suku bon, ta basha e ariña konteniendo baking powder poko poko den e webu segun ta drei. Meskla tur e kosnan aki bon den otro pa despues pone e kaneel, vanilla i kruidnagel. Por ultimo ta basha e pinda mulá aden i ta forma un mansa. Dado kaso e mansa ta poko moli ta pone algu mas di ariña aden. Ora tur ingrediente ta bon brua den otro, ta kohe un plancha hunte ku rees i strooi ariña di pan riba dje. Awor ta ban forma e letternan un pa un i pone nan den e plancha. Ora ta kla ku tur ta pone e plancha ku e letternan den un fornu no muchu kajente pues mas o menos 250 grado y laga nan para por lo menos 15 minuut. Tip; Por prepara e pindanan for di un dia padilanti. Ta kaska e pindanan i hasa nan den fornu, pa despues kita e kaska kora , limpia nan i ora ta kla ta mula nan.
|
