Chukulati Pinda
Miránan: 16402
Mandá pa: Antillean Eats
Fecha mandá: May 3, 2003, 8:59 am
Informashon
Chukulati Pinda ta un bebida kayente, kremoso i yen di sabor, prepará ku kakao, lechi, kané i pindakaas crunchy. E kombinashon di chukulati ku pinda ta duna e bebida un sabor riku i diferente, ideal pa disfrutá kayente, spesialmente mainta òf anochi. E ta un manera dushi i reconfortante pa disfrutá un bon chukulati ku un toque di pinda.
Anunsio
Ingredièntenan
- 1 bleki grandi di lechi evaporá
- 1/2 bleki di awa
- 2 kuchara di kome ku kakao
- 1 palu di kané
- 1 kuchara di kome ku pindakaas crunchy
- 1 kuchara di kome ku suku
- 1 kuchara di kome ku lechi kondensá
- 1 punta di kucharita di salu
Anunsio
Preparashon
- Pa prepará e Chukulati Pinda, meskla e kakao ku mas o ménos 1/4 kùp di awa te ora e bira un meskla suave.
- Laga e meskla di kakao para un ratu. Mientrastantu, pone e lechi evaporá, e resto di awa i e palu di kané den un wea riba kandela mediano.
- Laga e meskla keinta te serka di herebé.
- Ora e kakao a bira manera un krema diki, bash'é den e lechi kayente.
- Agregá e pindakaas, suku, lechi kondensá i un punta di salu.
- Drei kontinuamente ku un kuchara di palu pa e chukulati no pega na fondo di e wea.
- Ora e chukulati ta bon kayente i kuminsá subi den e wea, paga e kandela.
- Laga e Chukulati Pinda reposá un tiki pa e temperatura baha promé ku sirbi.
- Sirbi kayente i disfrut'é.