Snijboonchi Stobá

  • Inisio/
  • Resetanan/
  • Snijboonchi Stoba/
Snijboonchi Stobá
Snijboonchi Stobá
Prent e reseta Kompartí riba Facebook
Plato prinsipal
Miránan: 148
Mandá pa: Antillean Eats
Fecha mandá: August 24, 2026, 5:43 pm
Antillean Eats Social

Informashon


Snijboonchi Stobá ta un kuminda tradishonal di Kòrsou, prepará ku snijboonchi, karni salu, rabu, batata i un kombinashon di berdura i speserij. E karninan ta freská promé pa kita e ekseso di salu, despues nan ta kushiná poko poko te bira moli. Huntu ku e snijboonchi i batata, nan ta forma un stobá yen di sabor ku ta bai perfekto ku aros òf funchi. Ta un plato simpel, sustansioso i yen di sabor di kushina antiano.


Anunsio

Ingredièntenan
  • 2 bleki di snijboonchi
  • 1 liber di karnisá
  • 1 liber di rabu
  • 2 djente di konofló
  • ½ siboyo
  • ½ promenton
  • ½ tomati
  • 3 batata
  • 1 kuchara di saka kuminda di manteka
  • 1 kuchara di kome kuné di ruku
Anunsio


Preparashon


  1. Anochi promé ku bo bai kushiná e Snijboonchi Stobá, pone e karnisá i rabu kortá na pida den awa pa freská.
  2. Pone nan den sufisiente awa pa tapa nan kompletamente i laga nan freská durante anochi.
  3. Ora bo ta kla pa kushiná, laba e karninan dos te tres biaha. Pone nan den un wea ku e konofló i sufisiente awa pa yega mas o ménos tres dede riba e karninan.
  4. Laga e karninan herebé te ora nan kuminsá bira moli.
  5. Si ta nesesario, agregá un tiki awa. Despues agregá e snijboonchi, batata, siboyo, promenton, tomati i manteka. Brua tur kos bon ku un kuchara di palu.
  6. Agregá e ruku pa duna e stobá un tiki koló. Laga tur kos kushiná huntu te ora e batata ta moli i e snijboonchi ta bon kushiná.
  7. Sirbi e Snijboonchi Stobá kayente ku aros òf funchi.


Etikètanan


boonchistobaStobásnijboonchi