Bakiou Hasá
Miránan: 19868
Mandá pa: Antillean Eats
Fecha mandá: May 3, 2003, 8:57 am
Kuminda.com
Informashon
Deskubrí kon pa prepará Bakiou Hasá, un plato tradishonal i yen di sabor di Kòrsou. E bakiou ta wòrdu poné den awa for di anochi pa saka e sal, despues ta herebé i hasá ku siboyo, promèntòn, tomati, sèldu i konofló. E resultado ta un plato sabroso ku ta kombiná perfektamente ku pampuna herebé, tutú, funchi òf simplemente ku pan.
Anunsio
Ingredièntenan
- 1 paki di bakiou.
- 1 siboyo.
- 2 promèntòn.
- 2 tomati.
- 1 taki di sèldu, kortá chikí chikí.
- 2 djente di konofló.
- 1 kuchara di saka kuminda di awa.
- 1 kuchara di saka kuminda di manteka.
Anunsio
Preparashon
- Pone e bakiou na remou for di anochi i sòru pa e awa tapa e bakiou kompletamente.
- Mainta, ora bo ta kla pa kuminsá kushiná, laba e bakiou bon, kita e skama i pon'é herebé ku e konofló.
- Ora e bakiou a kaba di herebé i a bira moli, skur e awa i laba e bakiou dos te tres biaha pa kita e ekseso di sal.
- Despues, korta e bakiou na pida chikí chikí, bolbe lab'é i has'é den un tiki zeta.
- Den un panchi apart, pone e siboyo, promèntòn, tomati i sèldu. Hasá nan ku e manteka i agregá un kuchara di awa.
- E awa ta yuda pa e speserianan no seka muchu durante kushinamentu.
- Despues, agregá e bakiou na e speserianan i laga nan kushiná huntu pa un tiki tempu pa e sabornan kombiná.
- Sirbi e bakiou hasá ku pampuna herebé, tutú òf funchi.
- Bo por sirbi'é ku pan tambe; e ta kombiná hopi bon.