Curacao3 kopi di ariña di pan 2 telep di baking powder 1 telep di salu 1 kopi di res 4 kopi di suku di blancha bolo 4 webu 1 kopi di lechi 1 telep di esensia di almendra 1 kopi di cherry kortá fini fini ½ kopi di almendra mula (mester herebé e almendra kita su kaska, kaba ta mulé)
Primeramente ta meskla e ariña, baking powder i e salu. Tambe ta meskla e res i e suku fini, te ora e bira un krema. Ora ku e ta un krema ta pone e meskla di e ariña aden, i drei bon di drei. Bati e webunan bon batí, i bruha nan tambe den e meskla. Poko poko ora nos ta brua e meskla, ta pone e almendra mulá, e cherry kortá i e sensia di almendra den dje i meskla nan bon den otro. Hunta un forma bon huntá ku res, i stroi un tiki ariña di pan den e forma. Basha e meskla den e forma awor, hinke den fornu ku entretantu ta sendé na 350 grado. Laga e bolo di Cherry Confetti aki keda 45 pa 55 minut den fornu. Ora e bolo ta kla i a sake for di fornu, ta hunté ku manteka, i stroi kané riba dje. E ta smak hopi dushi.
|