Curacao6 webu 2 kùp di ariña di pan 1 kùp di mixed fruits 1 liber di wòrtel 1 kùp di zeta dushi ½ theelepel di baking soda 1 kùp di rasenchi 1 theelepel di kané ½ kùp di walnuts garná 1 theelepel di baking powder 1½ kùp di suku brùin òf blanku ¼ theelepel ginger powder Un tiki salu na smak ¼ theelepel di kreinagel
Pa kuminsá traha nos bolo di wòrtel nos ta raspa e wòrtelnan , laba nan bon, sekanan pa despues mula nan fini fini. Seguidamente den un otro kòmchi ta sefta e ariña di pan, baking soda, baking powder, kreinagel i ginger powder. Awor ta bati e webunan pa despues brua e suku aden i sigui bati te ora e bira un krema, anto e ora ei ta agregá e zeta dushi. Ku un kuchara di palu ta meskla e wòrtel mula aden i despues e ingredientenan seftá. Pa sigui ku e preparashon di e bolo di wòrtel awor ta puiru e rasenchi, mixed fruits y e walnuts garná ku dos kuchara di ariña di pan i brua nan den e meskla. Awor ta hunta un plancha ku res i despues ta fur’é ku un pida cut-rite. Ora ta kla ta basha e meskla den e plancha i hink’é na fòrnu ku ta na 325 grado i lag’é keda mas o ménos un ora aden. Ora e ta kla i a fria por stroi un tiki suku pòlvo ariba òf por lag’é gewoon asina tambe . E ta keda mesun dushi, i ku un kòpi thee e ta baha bon sigur.
|