Curacao1 liber di pechu di galiña 1 bleki di anasa na slice 1 kopi di awa di anasa 1 kuchara grandi di honing 1 telep di manteka 1 telep di curry 1 pida konofló machiká Un tiki peper, netumuskaat, salu, maggi, komino Lamunchi (segun smaak pa laba e galiña)
Na prome luga ta laba e galiñanan bon labá ku lamunchi i salu. Ora ta kla ta strooi e ingredientenan riba e galiña. Awor ta meskla e awa dje anasa i e honing i basha nan tambe riba e galiña i e speserijnan, manteka i djis un tiki awa i asina e ta kla pa bai kandela. Nos ta laga e galiña kushiná den su speserijnan bira moli. Ora e ta asina leu ta huntá un forma ku manteka i ta pone e galiñanan den e forma. Riba e galiñanan nos ta pone e slicenan di anasa i hinka e forma na fornu. E fornu mester ta na 350 grado i e galiña mester keda mei ora den fornu te ora nan bira bruin bunita. Por sirbi e galiña a la saigon aki ku su aros of batata hasa i berdura den banda.
|