Curacao1 liber di karni stobá mulá 1 siboyo mediano 1 promenton 1 theelepel di konofló na poeiru 1 kuchara di tomati pasta of catsup Algun alkapara 1½ liber di batata 1 bleki mediano di pineapple na slice 1 bleki mediano di zuurkool Algun rasenchi ½ kup di lechi awa 1 kuchara di manteka Salu i netumuskaat na smak
Primeramente nos ta kaska e batatanan i pone nan herebé ku un tiki salu. Entretantu ta drecha e karni mulá ku su speserijnan i poné na kandela pe kushiná mientras ta agrega e tomati pasta of catsup pe karni haña un tiki koló. Na momento ku e kuminsa seka ta tira e alkaparanan den e karni. Ora e batatanan a kaba di herebé ta machikanan ku un poko manteka i ta agrega e lechi pa asina e batata keda soft. Awor nos ta hunta un forma ku manteka i ta pone promé e karni mulá, un laag di zuurkool, un laag di pineapple i aki nos ta strooi e rasenchinan ariba i por ultimo ta pone e puree di batata pa tapele. Aki i aya ta pone un kucharita di manteka riba e batata, strooi poko netumuskaat riba dje i hinkele na fornu pa mas o menos mei ora. Ora e bira bruin i kuminsa los for di e forma e ora ey e ta kla. Mester pone e fornu na 375 grado.
|