 Curacao
- 1 liber di preimu,
- 1 liber di karént,
- ½ liber di mangel dushi,
- 10 mangel marga,
- ½ liber di rasenchi,
- ½ liber di dader,
- ½ liber di lamunchi kurtí,
- ½ liber di figo,
- ½ liber di mixed fruits konfeit.
- 1 kòpi di Brandy,
- 1 kòpi di Cherry Cordial,
- 1 kòpi di Crème de Cacao.
- 1 liber di suku bruin,
- 1 telep di foelie,
- ½ bleki di kanel na puiru,
- 1 kuchara grandi di peper dushi fini,
- 1 kuchara grandi di anijszaad,
- 1 telep di kardamon.
- 12 webu,
- 1 liber di suku blanku,
- 1 liber di manteka dushi,
- 1 liber di ariña di pan,
- 1½ telep di baking powder,
- ½ kòpi di esensia di almendra,
- ½ kòpi di vanilla.
- Ta mula e preimu, karent, mangel marga, rasenchi, dader, figo, lamunchi konfeit i mixed fruits.
- Mula nan bon.
- Kaba ta basha e bebidanan den e frutanan mulá.
- Awor nos ta kushiná e suku bruin, foelie, kanel fini, peper dushi, anijszaad, i kardamon laga nan bira un stropi.
- Ta basha e stropi aki den e frutanan mulá ku e bebidanan.
- Laga nan para pa mas o menos 10 dia of dos siman.
- Dia ta bai traha e bolo nos ta bati e suku blanku ku e manteka bon batí.
- Bati e webunan bon batí, ora ku nan bira manera un skuma bo ta basha nan den e suku ku manteka.
- Ta basha e meskla aki, den esun ku nos a laga para dos siman.
- Drei bon, pero bon di drei pa tur e kosnan drenta den otro.
- Delaster nos ta pone e vaniya i e esensia di almendra aserka.
- Awor nos ta sefta e ariña di pan, huntu ku e baking powder, kaba nos ta basha nan tambe den e meskla.
- Nos ta drei nan bon den otro.
- Hunta e forma bon huntá ku manteka kaba pone un vet vrijpapier den dje, i hunt’é tambe ku manteka.
- Korda ku mester keinta e fòrnu 15 minút promé.
- E fòrnu mester ta na 300 grado i e Bolo Pretu mester keda 1 ora i mei den fòrnu.
- Por dorna e Bolo Pretu of por lage gewoon asina i e ta baha hopi bon.
- E kantidat aki ta pa mei liber di Bolo Pretu.
|
|
Category :
|
