 Curacao3 bleki di tunafish 1 paki di makaroni èlebóg (grandi) 4 webu 1 bleki di pitipuá 1 bleki di maishi (pipita) 1 tomati grandi 1 siboyo grandi 1promenton grandi 1 kòpi di késhi raspá 1½ ons di ham (no di slais) 1 telep di salu 1 kuchara di manteka 1 telep di zeta dushi Un poko rasenshi Un poko preimu Aseituna jená Maggi, soya sous, curry, netumuskaat, komino i picalilly tur na smak.
Pone e makaroni den awa ku salu, lag’é herebé. Ora e ta kla ta skore e awa afó. Den un wea ta pone e manteka, e zeta i tur e spesereinan i laga nan hasa un ratu. Awor ta koge un fòrki i machiká e tunafish hasié fini,kaba nos ta pon’é den e sous. Kòrta e ham na dow-dow i pone nan tambe hasa. Despues nos ta basha e késhi raspá den e makaroni, drei bon di drei. Kaba nos ta basha e tunafish temperá tambe aden. Hunta un plancha ku manteka. Bati e webunan i basha poko dje webu batí den e plancha. Basha e makaroni, i riba dje bo ta basha e sobrá késhi raspá tapa e makaroni bon bou dje késhi. Pone e fòrnu na 350 grado, i lag’é pa 40 minút den dje. Korda prek, wak si paden a kushina. Tuna den makaroni aki por kome plain of ku algun berdura y/of batata hasa.
|
