Reyeno:

• 1 liber di karni mulá, òf tuna, usters, bakijou ets.
• 1 tomati mediano
• 1 siboyo mediano
• 1 promèntòn
• 2 kuchara di alkapara
• 3 kuchara di rasenchi
• 3 kuchara di manteka
• Un par di aseituna kòrtà chikitu

Mansa:

• 6 kòpi di ariña di pan
• 2 webu
• 3 kuchara di manteka
• 3 kuchara di res
• 1½ telep di salu
• 1½ kòpi di awa
• Zeta dushi

Nos ta prepera e reyeno prome:

1. Ta korta e spesereinan chiki chiki i ta pone nan huntu ku rasenchi, i e karni di bo smak hasa den e manteka.
2. Ora e hasa haña un bunita kolo ta bahe for di kandela i lage fria.

Pa e mansa :

1. Nos ta kuminsa na sefta e ariña di pan, despues ta krema e manteka, res, salu, i webu batí.
2. Ora ta kla ta pone dos kòpi di ariña den e krema.
3. Nos ta keda meskla, i ta basha e awa na poko poko aden, ta keda mansa i ta bolbe basha dos kòpi di ariña na poko poko aden.
4. Sigí mansa i basha e delaster dos kòpinan di ariña.
5. Awor nos ta mansa e pastechi su mansa bon.

Pone reyeno den e mansa i hasa nan :

1. Habri e mansa riba un tabla, kort’é rondó yen’é ku su reyeno i tapé ku un pida mansa rondó.
2. Ora ta kla ta sera e rantnan nèchi.
3. Ta hasa e pastechinan den zeta dushi bon kajente i laga nan haña un bunita koló.
4. Ora nan ta kla ta saka i pone nan den un schaal ku towel ariba pa asina nan por skore e zeta.
5. Si mester keinta nan , por hasi esaki den fòrnu.