 CuracaoReyeno 1 tomati mediano 1 siboyo mediano 1 promenton 2 kuchara di alkapara 3 kuchara di rasenchi 3 kuchara di manteka Reyeno 1 liber di karni mulá, of tuna, uster, bakiou ets. Un par di aseituna kòrtá chikitu Mansa 4½ kòpi di awa 1 telep di salu 4 kòpi di ariña hel 1 kòpi di keshi raspá 2 banana moli machiká 1 kòpi di ariña di pan Zeta dushi
Prome ku tur kos nos ta prepara e reyeno, esta ta kushina e karni of tuna of loke sea huntu ku tur speserijnan den manteka pa despues laga nan para fria. Awor pa e mansa mes ta pone e awa herebé ku e salu. Basha e ariña hel aden na poko poko i traha un funchi moli. Kaba ta agrega e keshi raspá i e banananan machiká. Drei nan bon den otro i lag’é para fria. Ora e fria, ta basha e ariña di pan aden i mansé. Awor ta muha un serbètè, trosé i habrié riba mesa i pone tres kuchara di e mansa riba e serbètè i plat e mansa. Pa sigi ta saka un kuchara di e reyeno pone riba e mansa na un banda, pa asina por boltu mitar banda tap’é. Korda si dobla e rant. Awor nos ta pone nan asa den seta dushi bon kajente, te ora nan bira bunita bruin. Ora saka nan for di e zeta pone nan riba un pida scottowel pa nan por skore e zeta.
|
