 Curacao
Pa e bolo:
1½ kopi di ariña di pan
1 kopi di suku
1 kopi di manteka
1 kwart telep di salu
1½ telep di baking powder
1 kopi di lechi
6 blanku di webu
2 kopi di kashupete mulá
1 telep di esensia di almendra
Pa e blancha, nos mester di:
1 kopi di suku di blancha bolo
2 blanku di webu
1/3 kopi di manteka
1 telep di esensia di almendra
1 telep di salu
1 kopi di kashupete mulá
Pa traha e bolo di kashupete ta bati e manteka i e suku . Ora nan ta bon batí ta pone e blanku di webu aserka i sigi bati bon. Despues nos ta agrega e sobra ingredientenan i ta bolbe drei nan bon den otro . Entretantu nos a hunta un forma bon huntá ku manteka i nos ta basha e meskla den e forma i hinkele den fornu. E fornu mester ta sendé na 350 grado i ta laga e bolo keda 35 minüt aden. Ora e bolo ta kla ta sake for di fornu i lage fria pa por blanché. E blancha; Bati e blanku di webu huntu ku e suku, pa despues pone e manteka i e salu aserka. Awor nos ta pone e esensia di almendra i nos ta bati nan bon batí. Komo ultimo ta pone e kashupete mulá aserka i ta drei bon di drei. Ora nos ta kla i e bolo tambe a fria ta tapa e bolo ku e meskla di kashupete. Pa hasie un tiki mas bunita ta dorne ku cherry i lamunchi konfeit.
|
