Curacao1 bleki di lechi kondens grandi 1 bleki di lechi awa grandi 5 webu 1 telep di vanilla 1 kelki di rom Algun slais di anasa Algun cherry kora
Ingredientenan pa kima e suku; 2 kuchara grandi di saka kuminda di suku 2 kuchara grandi di saka kuminda di awa
Laga e awa i suku herebe den e mesun wea ku ta bai traha e kesiyo te ora e suku kuminsa bira bruin. No lage bira muchu skur. Ora e kuminsa bira bruin ta keda drei e ku un kuchara di palu te ora e haña un bunita kolo bruin. Ora ta asina leu ta bahele for di kandela pa e para fria i bira duru den e wea. Den un blender ta bati e lechi kondens pa e los un poko. Kaba nos ta kibra e webunan den un tayo i bashanan den e lechi kondens i nos ta sigi batiele. Despues pa kita e holo fresku di e webunan, ta pone e telep di vanilla aden. Despues ta habri e bleki di lechi awa i bashele tambe aden i komo ultimo ta agrega e kelki di rom den e meskla, i bire un poko. Ora ta kla nos ta basha e meskla den e wea ku e suku aden i nos ta pone pa mas o menos tres kwart di ora riba stoof na Baño Maria. Tapele pa e awa no bai aden. E kesiyo ta kla ora ku hinka un forki aden meskos ku ta hasi ku bolo i e forki sali limpi. Lage fria y dornele ku slais di anasa i cherry kora. TIP; Baño Maria ta nifika ku ta pone e wea ku e meskla aden, den un wea mas grandi konteniendo awa.
|