1 pampoena pareu.
1 liber di rabu.
1 liber di karnisá.
1 theelepel di nutmeg.
1 theelepel di konofló na puiru.
1 kuchara di saka kuminda di manteka
2 kuchara di saka kuminda di súku.
3 batata dushi.
3 batata aardappel.
1 banana konfeit (banana geel pinta un tiki pretu)

Freska e rabu i karnisá. Su manise despues di a laba nan bon ta pone nan kushiná den un wea ku awa (kuater dede riba e karni), nutmeg, konofló i manteka. Pa no perde tempu ta korta e pampoena saka su mondongo, kaské pa despues poné den e wea ku e karninan ku entretantu a bira un tiki moli i laga nan sigi kushiná. Ora e pampoena a kushiná bira moli ta lélé. Prome ku esaki sosode ta saka e karninan pone den un komchi i lélé e pampoena. Ora ta kla ta pone e karninan den e pampoena bek. Despues ta pone e batata dushi, batata aardappel , banana konfeit i súku den e wea. Laga e wea un ratu mas na kandela pa e batatanan i banana kushiná bira moli i e ora ey e pampoena ta kla. E pampoena lélé aki ta bon pa sirbi ku funchi, nada mas. Seis persona por kome e tremendo pampoena lélé aki.