 Curacao2 pida kadushi ( mester kité entre 10 or y 11 or di mainta di otro forma e kadushi ta kushiná zuur)
1 liber di rabu.
1 liber di karnisá.
1 liber di repchi salu.
1 kopi di kabaron seku. Piská ( sea snoek, buladó of gutú)
1 kopi di karko. 1 kopi di kiwa.
Ora solo a subi nos ta kita nos kadushi, kita e sumpiñanan i ku un lomba di kuchu ta frega riba e kaska. Ora ta kla ta saka e lechi i poné den un tayo. Awor ta bati e kadushi i pa hasi esaki ta usa un tati ku ta un piedra spesial. Ta bati e kadushi te ora e bira lebelebe i e ora ey nos ta poné den un kopi ku un tiki awa. E awa ta juda pa e kadushi no pega mientras ta hasi e otro preparashonnan. Manera kustumber nos a pone nos karnisá , rabu i repchi salu freska for di un dia prome. Ora ku nan ta bon laba ta pone nan huntu ku e kiwa na kandela pa nan herebe un poko. Ora e karninan i kiwa herebe ta pone e kadushi aserka laga nan kushiná . Ta kohe e kadushi ku punta di un lele i poné den e wea. Ora ku e skuma kuminsa bini ariba ta saka esaki i laga e kadushi keda limpi limpi. Despues nos ta lélé un tiki. Entretantu nos a pone e kabaron freska un ratu, a herebe e piská i a saka e wesunan, i tambe ta bati e karko hasié moli pa despues korte na pida pida. Despues ta pone e karko, kabaron i piská huntu ku e karninan i e kadushi. Brua nan huntu i laga nan kushiná bira moli. Kome bo Kadushi ku un bon funchi geel of blanku.
|
