• 2 liber di karni kabritu.
• 3 lamoenchi grandi (si ta desea mas por usa mas tambe).
• Salu (segun smaak).
• 1 tapa di vinager.
• 2 kuchara di saka kuminda di manteka
• 2 CucharaMitar siboyo.
• 1 tomati.
• 1 theelepel di konofló na puiru.
• 1 theelepel di nutmeg.
• 2 kuchara di kome kuné di konsomé.
• 1 kuchara di saka kuminda di tomati pasta.
• 1 kuchara di kome kuné di soya sous.
• 1 kuchara di kome kuné di ruku.

Korta e karni di kabritu i kita tur vet for di dje, labé i pone e karni para den awa ku lamoenchi , salu i vinager. Despues ora ta bai kushiné ta skore e awa bon for di e karni i bolbe labé bon. Pone manteka den un wea, laga esaki hasá un poko. Despues buta e karni di kabritu, siboyo, tomati, konofló, nutmeg , un kuchara di tomati pasta, i un kuchara di soya sous i laganan kushiná djis un tiki. Basha awa herebe riba e karni kabritu i speserijnan. Pone e konsomé i ruku, drei e kuminda un tiki i laga nan kushiná te ora e karni bira moli. Korda e awa mester ta kuater dede riba e karninan !!! Ora e karni ta kushína mester wak'é bon pa e no bira muchu moli i garna. Si e karni ta di bestia chiki e ta bira moli mas lihe ku di un bestia mas grandi. Un bon plato di karni di kabritu stobá nos ta sirbié ku aroz blanku of bruin, funchi, tutú ku su rooibiet i pitipua den banda.