 Curacao
- Mei kilo di Jambo.
- 1 liber di rabu.
- 1 liber di karnisá.
- 1 liber di repchi salu.
- Piska (gutu, of buladó of snoek), Abo ta disidi kuantu piska ta pone e no mester ta un kantidat grandi.
- 1 kopi di kabaron.
- 1 kopi di kiwa.
- 1 liber di karko
- Pa nos por kushiná un bon jambo ta freska e rabu, karnisá i repchi salu.
- E dia di kushiná ta laba nan tur tres hopi bon, dos te tres biaha.
- Pone e rabu, karnisá, repchi salu i kiwa herebe den sufisiente awa . (kuater dede riba e karninan)
- Entretantu nos ta limpia e jambo, esta ku un sèrbètè nos ta fregá e jambo kita e bagas pa despues laba nan.
- Si e jambo ta grandi ta saka un buraku na kabes di kada jambo pa saka e pipitanan. Pero si e jambonan ta chiki ta laga nan keda ku e pipitanan.
Esaki ta pa juda e jambo mara mas mihó.
- Ora noPon s ta kla ku e trabou aki ta pone e jambonan kortá rondo den e wea ku e karninan. Laga nan kushiná un poko pa por saka e baba.
- Ora kaba di saka e baba ta lélé e jambo te ora e jambo habri for di otro.
- Entretantu a pone e kabaron den awa pe muha, i ora ta bai usé ta skore e awa kora tur tur afo.
- Pues despues di lélé e jambo ta pone e piskanan i kabaron aserka, i laga nan kaba di kushiná .
- Prome ku pone e piskanan den e wea ta herebé nan den awa ku un tiki salu.
- E Jambo ta kla i awor tur hende por sinta na mesa pa komé ku un bon funchi geel of blanku.
- En prinsipio e wea di jambo aki ta pa seis persona pero mas tambe lo por haña un tayo of loke sobra ta poné den friezer.
|
